Indirimbo ya Rihanna yangiwe kujya yerekanwa kuri Youtube n'ubwo iryoshye kubi

ka riri ndagakunda ariko hari utwo gakora nkabona kavangiwe kabisa...

Umuhanzi Rihanna yangiwe ko indirimbo ye yerekwa abantu bari munsi y'imyaka 18 ku rubuga rukwirakwiza amashusho (video) hirya no hino ku isi rwa Youtube.com, ibi bikaba byatewe n’uko uyu muhanzi yagaragaje amafoto y’urukozasoni kandi yerekana ubusambanyi bukabije muri iyi ndirimbo. Nk’uko bitangazwa n’ibitangazamakuru bitandukanye, byumvikana muri iyi ndirimbo S&M ko umuhanzi Rihanna avuga amagambo mabi yerekeza ku busambanyi aho agira ati:”Sex in the air/ I don't care/ I love the smell of it/ Chains and whips excite me. Ni ukuvuga ngo ’Igitsina mu kirere/ntacyo nitayeho/nkunda impumuro y’igitsina/ Ntacyo nitayeho/ Iminyururu n’inkoni birankurura nkaba imbata yabyo. Uretse uru rubuga rwa Youtube, ibindi Bihugu 11 byamaze gufungira amazi n’umuriro amashusho y’iyi ndirimbo aho nta wemerewe kugaragaza video ya S&M mu ruhame (on air). Nyamara uyu muhanzi Rihanna we, ibi ntibyamuciye intege habe na busa. Ahubwo yahise arangira bafana be urubuga rwe bashobora gusangaho iyi ndirimbo. Ku rubuga rwe rwa Tweeter yanditse agira ati:”ubu noneho mushobora kureba video y’indirimbo yanjye S&M kuri Rihannanow.com itari iyangirijwe n’abantu bayivanamo amashusho amwe n’amwe bakeka ko ari mabi (edit)!!” Rihanna wakoze indirimbo itavugwaho rumwe! Uyu mukobwa kandi akaba atangaza ko yumva iyi Video yayigaragaje neza cyane kandi uko yabyifuzaga. Naho abajijwe kubyo kwambara ubusa agaragaza ibikorwa by’ubusambanyi, Rihanna yagize ati:”Nonese ko abantu barebye iyo nise Umbrella... Iriya ngaragara nambaye ubusa buri buri”. Ku mbuga zitandukanye abantu bakaba bakomeje kuvuga ko uyu muhanzi akunda ibikorwa by’ubusambanyi kandi ko yumva iteka aribyo yahora yibereyemo biturutse kuri iyi ndirimbo yise S&M. uretse amagambo twavuze haruguru muri iyi ndirimbo Rihanna yise S&M, anavuagamo andi magambo akururira abantu mu bikorwa by’ubusambanyi hanumvikanamo ahoaba aririmba ati :’’ N’iyo naba mubi kajana mu bindi mu bijyanye n’igitsina byo ndi kabuhariwe. N’iyo inkoni zamvuna amagufa nkunda igitsina mu kirere!’’ Tubamenyeshe ko ubusanzwe iri zina S&M, Rihanna yahaye iyi ndirimbo rivuga ko afite iby’inyongera byose (Tous les accessoires). Iyi ndirimbo ikaba iri kuri album ye ya 5 yise Loud. Amazina ye asanzwe yitwa Robyn Rihanna Fenty. Ubu afite imyaka 20. Se yitwa Ronald nyina akitwa Monica Fenty, batandukanye Rihanna afite imyaka 14. Avukana na basaza be babiri aribo Rorrey na Rajad Fenty II.

Ku munsi wo gukundana Abakimaze bateguye igitaramo

Itsinda ry'abakimaze ryahisemo gutaramira abanya Kigali ku munsi wo gukundana tariki ya 14 gashyantare 2011. Iri tsinda rikaba rigizwe na Dr Jack ndetse na Faruku. Iki gitaramo bagiye gukora bakise igaruka ry’abakimaze, nyuma y’aho basubiranye bakongera gukorana bari kumwe. Byatumye bashyiramo imbaraga nyinshi mu gukorana izindi ndirimbo kuri ubu bakaba biteze kuzashimisha abakunzi babo mu ndirimbo bise Ndaje n’indi bise Sweety. Iyi ndirimbo bakaba barayikoranye n’umuhanzi Tom Close. Kuba barasubiranye bakongera guhuza imbaraga mu gukora nk’abakimaze nayo niyo mpamvu ikomeye yatumye bashyira iki gitaramo cyabo ku munsi wo gukundana nk’uko Dr Jack yabibwiye umunyamakuru wa Igihe.com. Kuri uyu munsi ubwo abantu usanga babuze aho basohokana abakunzi babo Bakimaze bahisemo gutegurira abakunzi babo igitaramo. Ikindi kandi basanze indirimbo zabo zigomba gushyirwa hamwe kuri album maze abazifite bakazabasha kuzibona uko zakabaye. Izi ndirimbo zikazaba zinaherekejwe n’amashusho ya zimwe muri zo bakoreye amashusho. Iyi ikaba ari n’imwe mu ngamba bihaye yo kugeza ku bakunzi babo amashusho menshi n’indirimbo zitanga ubutumwa. Iki gitaramo kikazabera muri Sky Hotel guhera ku isaha ya saa kumi n’ebyiri z’umugoroba. Barateganya kandi no kuzashyigikirwa n’abahanzi bakunzwe hano mu Rwanda nka Tom Close, Urban Boys, Riderman, Just Family, Bably, Neg-G, Jackson Dado, The Gunz, hamwe n'abandi batandukanye. Bakaba bizera ko imbaraga bari gushyira mu gutegura iki gitamo bafatanije uko ari babiri na Manager wabo Barihuta Jean de Dieu uba mu Bubiligi bizatuma iki gitaramo bari mu gutegura kuryohera abakunzi babo. Tubibutswe ko nyuma yo guhimba indirimbo zakunzwe cyane nk’Ikigabo cy’igisambo Dr Jack na Faruku bari bamaze igihe baratandukanye. Buri wese ku giti cye akaba yagendaga ahimba indirimbo zitandukanye. Kuri ubu bavuga ko baje baje mu muziki aho bazakorana ibihangano byinshi kandi bizima nk’uko bakiri kumwe bakoranaga ibihangano bigakundwa.

King Anatole umuhanzi uje kurengera ba nyamweru

Munyengabe Anatole ni umusore uje vuba mu muziki nyarwanda uvuga ko aje mu muziki ashaka kwita kubantu batajya bakunda guhabwa agaciro nk’abandi mu muryango bazwi ku izina rya ba nyamweru. Mu buhanzi bwe aravuga ko agiye by’umwihariko kwita kuri ba nyamweru.

Uyu musore ukoresha akazina k’ububuhanzi ka King Anatole avuga ko we iyo arebye asanga mu muryango nyarwanda kimwe na henshi mu bihugu duturanye abantu batajya bita kuri ba nyamweru. Kuri we ngo iyo niyo nshingano ya mbere abona akwiye kwiha kandi akaba yumva azabigeraho.

Maze kumva iyi ntego idasanzwe y’uyu muhanzi (bigaragara ko akiri muto), nahise ngira amatsikop yo kumva ibihangano bye. Niko kubishaka ngo numve niba koko imvugo ye ariyo ngiro. Mu kubyumva ariko nasanze yiririmbira iby’urukundo.


King Anatole ni igikara kandi aracyari muto, ariko intego ye ni ukuvuganira ba nyamweru

Ibyo byatumye mpitamo kumubaza uburyo avuga ko agiye kwita kuri ba nyamweru nk’umuhanzi nyamara atari byo aririmba. Nuko ansubiza ambwira ko gutangirira ku ndirimbo zivuga ku bantu bitwa ba nyamweru byamugoye cyane ariko ko ariyo gahunda. Ati:”Muri studio indirimbo yanjye ya kabiri mfiteyo, ivuga ku burenganzira abantu tubuza bagenzi bacu ba nyamweru”.

Kuba aje avuganira ba nyamweru kandi ngo ni ibintu we yiyumvisemo nk’umuhanzi ntaho bihuriye n’ibyo abantu bashobora guhita bakeka bavuga ko wenda mu muryango w’iwabo haba havukamo ba nyamweru. Yewe nawe kubatamuzi bashobora kubyumva bagakeka ko yaba ari nyamweru ariko siko biri ahubwo we ni igitekerezo yagize kuko asanga abahanzi bagenzi be badakunze gutekerezaho.

Ati:"Kuba bagenzi bacu ba nyamweru akenshi dukunda guhura nabo basabiriza mu muhanda njyewe birambabaza kandi hari icyo twakora".

Ni ku bw’iyo mpamvu we asaba ababa bafite umutima nk’uwe kumushyigikira bityo bakagerageza kurengera uburemganzira bwa ba nyamweru.

Amaze gukora igihangano kimwe ariko arateganya gukora n’izindi ndirimbo nyinshi ziharanira kurewengera ba nyamweru. Mu buzima busanzwe akaba ari umunyeshuri mu mashuri yisumbuye. Yiga mu mwaka wa kane I Nyamirambo.

Dore icyo bimwe mu byamamare byo mu Rwanda bivuga ku matora y’ urubyiruko

Kuri uyu wa Gatanu tariki 4 Gashyantare 2011 mu gihugu cyose nibwo hateganyijwe amatora yo gushyiraho Komite nyobozi y’ Umudugudu, Komite nyobozi y’ urubyiruko mu kagari ndetse n’ Umujyanama uhagarariye umudugudu mu nama njyanama y’ Akagari, twaganiriye n’ ibyamamare bitandukanye bya hano mu Rwanda maze bagira ibyo badutangariza ku matora y’ urubyiruko. Tom Close Ni umusore umenyerewe cyane mu njyana ya R&B, arazwi hano mu Rwanda muri Uganda, mu Burundi mbese aka Karere karamuzi kubera ibihangano bye bikundwa na benshi cyane cyane urubyiruko. Ubwo twaganiraga ku matora y’ inzego z’ urubyiruko aba kuri uyu wa Gatanu yagize ati: “Mbere yo kuba umuhanzi ndi umuturage nk’ abandi, aya matora rero ndayishimiye, kuko atabaye ntihaba hari demokarasi”. Umuhanzi Tom Close Tom Close kandi yadutangarije ko azatorera mu Karere ka Gasabo mu Murenge wa Kacyiru mu Mudugudu w’ Isoko kandi ngo azatora umuntu ufite gahunda ndetse ufite ubushobozi. Ubwo twamusabaga kugira icyo abwira urubyiruko yagize ati: “Urubyiruko ntirukwiye kubisuzugura, aho kugira ngo ibintu bizagere nk’ aho bigeze muri Misiri ubu, nabwira abantu bakitabira aya matora bagatangira gutegura ejo heza, kuko aribyo bizaduha ejo hazaza heza”. Evelyne Umurerwa: Ni umunyamakuru umaze iminsi kuri Televiziyo y’ Igihugu, akunda urubyiruko ndetse yitabira gahunda zarwo nyinshi, ubwo twaganiraga yadutangarije ko nawe azatorera ku Kacyiru. Evelyne yagize ati: “Mu cyakare ndazindukira mu matora, birumvikana nk’ umunyamakuru ndaba ndi no mu kazi. Iyi ni intambwe urubyiruko rwateye kuko ubundi bitabagaho cyera ariko ubu ni uburyo bwo gutegura ejo hazaza harwo heza”. Kanyombya Kayitankore Njori: Umunyarwenya Kanyombya Ni umunyarwenya uzwi cyane mu iki gihugu ku buryo umuntu avuze ko abatamuzi ari bacye ataba abeshye. Ubwo twaganiraga nawe kuri telefoni, mu rwenya rwinshi yagize ati: “Nzatora umuntu ushoboye kuba yagira akamaro gakomeye, udashoboye njyewe sinamutora rwose ahubwo n’ ikimenyimenyi nzatora Nzovu na Nyagahene”. Miss Jojo: We ngo azatorera I Gikondo mu Kagari ka Karugira mu mudugudu ka Kabeza, ndetse ngo mu ma saa tatu za mu gitondo araba ahageze ajye ku murongo atore nk’ abandi baturage. Uwineza Josiane Miss Jojo Ubwo twaganiraga yagize ati: “Nk’ igihugu cyose gifite Demokarasi biba bigomba kubaho kandi n’ abantu bakabigiramo uruhare”. Yakomeje agira ati: “Nzatora umuntu ushoboye, ufite ubumenyi mu byo yiyamaririza, ufite ubwitange kandi ufite esprit de critique muri macye nzatora nkurikije ubushobozi n’ icyo ntegereje ku mukandida”. Bahati Grace: Ni Umukobwa wahize abandi mu bwiza bityo yegukana ikamba muri 2009 (Miss Rwanda 2009), nawe yadutangarije ko saa moya za mugitondo ari bube ari mu Murenge wa Kinyinya akitorera abayobozi. Miss Rwanda 2009 Grace Bahati Miss Bahati yagize ati: “Iki ni igikorwa cyiza ndumva nasaba buri muntu kuzatora umuntu uzamugirira akamaro; ku ruhande rwanjye nzatora umuntu wisanzura ku rubyiruko, usabana narwo, ufite ubushake n’ ubwitange”. Miss Shanel: We azatorera mu Mudugudu w’ Urugero wo mu Murenge wa Kacyiru uherereye mu Karere ka Gasabo ndetse ngo arazinduka cyane, ubwo twaganiraga yadutangarije ko aya matora ari agaciro gakomeye Leta iba yahaye urubyiruko kandi ngo ikintu gikomeye cyane kuko urubyiruko rugiye kurushaho kugira uruhare mu bibakorerwa. Shanel yakomeje asaba urubyiruko kugira umurava, umwete n’ ubwitange kugirango barusheho guharanira icyateza imbere igihugu cyabo. Dominic Nic: Arazwi cyane muri Gospel Nyarwanda. Nagize gutya ndamutungura ndamubaza nti: “Dominic ejo hazaba iki mu Rwanda?” ahita ansubiza ati: “Ejo hazaba amatora kandi nzatora”. Dominic ariko nubwo azi ko azatora ntazi Umudugudu n’ Akagari azatoreramo uretse ko aziko ari mu Nyakabanda kuko ngo ahimukiye vuba aha. Akomeza avuga ko azatora umuntu ubishoboye kandi ngo witeguye gukomeza ibyiza U Rwanda rwageze ho. Umuhanzi Dominic Nic Ashimwe

Mayor Kirabo yasuye abakomerekejwe n’igisasu cyaturikiye I Remera, batatu bitabye Imana

Mayor Kirabo yasuye abakomerekejwe n’igisasu cyaturikiye I Remera, batatu bitabye Imana
Kuri uyu wa Gatandatu tariki ya 29 Mutarama 2011, Umuyobozi w’Umujyi wa Kigali Dr Aissa Kirabo Kacyira yasuye abakomerekejwe n’igisasu cyaturikiye i Remera ku mugoroba wo kuwa Gatanu tariki ya 28 Mutarama. Yabasanze aho barwariye mu bitaro bikuru bya Kigali CHUK.

Mu ijambo rye, Umuyobozi w’Umujyi wa Kigali Dr Kirabo yasabye abaturage w’ Umujyi wa Kigali kudata icyizere kuko abakora ibi bikorwa bibi nta kindi baba bagamije uretse gutesha Abanyarwanda icyizere. Yagize ati: ”Nagira ngo mpumurize abaturage b’Umujyi wa Kigali kandi nsaba abantu ko batakwiheba, dukomeze twigirire icyizere.” Akaba anasaba abaturage bose kuba maso ndetse bakarushaho gufatanya mu gutanga amakuru y’abantu b’inkozi z’ibibi.

Dr Kirabo yaboneyeho umwanya wo kuvuga ko mu rwego rwo guhashya bene ibi bikorwa, Leta yihaye gahunda yo gushyira urumuri ahantu hose. Akaba asaba abaturage kurushaho kongera urumuri ku nyubako zabo. Aka gace ka Remera ku Giporoso katurikiyemo igisasu kari mu duce turi gukwirakwizamo urumuri muri gahunda Umujyi wa Kigali wihaye yo gushyira urumuri ku birometero 27.

Ubuyobozi bw’Umujyi wa Kigali bwemereye inkunga iyo ariyo yose ku miryango yahuye n’ibi byago. Aha hakaba harimo gukurikirana ishyingurwa ry’abahitanywe n’iki gisasu no kuvuza abarwayi bose bari mu bitaro kubw’iki gisasu.

Uwanyirigira Jacqueline, umutegarugori wakomerekejwe n’iki gisasu, yishimiye iyi nkunga no kuba abayobozi b’Umujyi wa Kigali bifatanyije nabo bakabereka ko babitayeho. Ati:” Nashimishijwe no kubona Umujyi wa Kigali witaye ku byabaye, bakaba bifatanije natwe mu kababaro.”

Umuyobozi w’Umujyi wa Kigali avuga ko abihishe inyuma y’iki gikorwa batarabasha kumenyekana ariko ko bagikurikiranwa n’ inzego zibishinzwe kugirango babashe gutabwa muri yombi. Abajijwe ku by’iturika ry’ikindi gisasu ahitwa Kimisagara nacyo cyaturitse kuri uyu wa Gatanu, yasubije ko yabimenye, gusa yongeraho ko ntawe ubu byagizeho ingaruka zo gukomereka cyangwa kugira uwo gihitana. Aha akaba ashimangira ko ku bya Kimisagara bishoboka ko ari nk’umuntu wikizaga iyo gerenede, ariko ko atari agamije konona ubuzima bw’abantu nk’uko amakuru amugeraho abivuga.

Tubibutsese ko iki gisasu cyaturikiye I Remera cyahitanye abantu batatu naho undi umwe akaba amarewe nabi bikomeye kuburyo ari muri koma. Abandi barwayi bagera ku munani bo baracyari kwitabwaho mu bitaro by’indembe bya CHUK. Naho abandi benshi muri 28 bakomerekejwe n’iki gisasu bahawe imiti barasezererwa barataha.



Hano Umuyobozi w'umujyi wa Kigali Aissa Kirabo Kacyira
ari kwihanganisha umwe mu bakomerekejwe n'igisasu


Uyu yitwa Hategekimana Alphonse, ni umwe mu bakomerekejwe n'igisasu
cyaturikiye i Remera witeguye gusezererwa akava mu bitaro bya CHUK kuko
yorohewe


Jacqueline Uwanyirigira ni umutegarugori wubatse nawe wakomerekejwe
n'icyo gisasu, hano yarimo ashimira ubuyobozi bw'umujyi wa Kigali kuba
bwababaye hafi


Uyu yakomeretse mu rubavu ariko abaganga bari kumukurikirana bemeje
ko ari bworoherwe bidatinze

Foto: R. I (IGIHE.com)
Richard IRAKOZE

I Remera ku mugoroba wo kuwa Gatanu haturikiye igisasu

	Igisasu ni kibi ni icyo kwirindwa kuko cyangiza ubuzima bwa benshi mu gihe gito

I Remera mu Karere ka Gasabo aho bakunze kwita ku Giporoso, mu mugoroba wo kuri uyu wa Gatanu tariki 28 Mutarama haturikiye igisasu cyo mu bwoko bwa gerenade. Amakuru atugeraho nuko hari abantu icyo gisasu cyakomerekeje,ariko kugeza ubu ntabwo umubare nyawo wabo uramenyekana cyangwa se uko bamerewe.

Iki gisasu cyaturitse I saa moya zirenze ho iminota itageze ku icumi, cyaturikiye ku Giporoso hafi ya SAR Motor bugufi y'aho kompanyi itwara abagenzi Sotra ikorera.

Nyuma y’iturika ry’icyo gisasu, abashinzwe umutekano n’abakora ibikorwa by’ubutabazi bahise bahagera.

Ubwanditsi

Umuhanzi Faycal yashyize ahagaragara Clip Video y'Indirimbo ye MBOHORA

	Umuhanzi Faysal Ngeruka ari kuririrmbira abakunzi be

Umuhanzi Faysal Ngeruka ari kuririrmbira abakunzi be

Aya ni amagambo twatangarijwe n’ Umuhanzi Faycal Ngeruka kuri uyu wa Kabiri tariki ya 25 Mutarama, ubwo yatubwiraga ibyo amaze mo iminsi ndetse n’ ibyo ateganya mu minsi iri imbere. Faycal yadutangarije ko mu byo amaze iminsi akora harimo indirimbo ebyiri z’ amashusho (videos) naho ngo mu byo agiye kugeza ku bakunzi be n’ igitaramo kizaba vuba aha. Faycal yadutangarije ko amaze gushyira ahagaragara video imwe y’ indirimbo yakozwe na Producer Arnaud yitwa Igikomere. Muri iyi video hakaba hagaragaramo cyangwa havugwamo ibibazo abantu bahura nabyo umunsi ku munsi bigendana n’ imibanire y’ abakundana. Tumubajije uko video y’ indi ndirimbo yitwa 'Ese uzabyihanganira?' yarangije gukorwa ariko itarajya ahagaragara, Faycal yadutangarije ko iyi ndirimbo Producer Meddy Saleh wo muri True Eyes yayikoze neza cyane ku buryo ngo izaryohera buri jisho ryose rizayireba. Faycal yagize ati: “Ndababwiye iyi ndirimbo irimo umukobwa w’ umu- mannequin, abantu bitegure kumureba... Yvette ntabaho, ni mwiza cyane kandi agarara neza ku buryo umuntu wese uzareba iyi clip azemera.” Faycal kandi yakomeje avuga ko iyi ndirimbo igaragaramo n’ umusore Eric Mucyo nawe w’ umuhanga cyane mu kuririmba, dore ko amaze no gushyira ahagaragara indirimbo ye yo mu bwoko bwa Zouk yitwa Ndarahiye. Ntabwo ari ama videos Faycal yakoze gusa kuko yadutangarije ko yanakoranye indirimbo na Tom Close yitwa Ongera, aho baba baririmba bati: “Ongera umpe rya sezerano rimwe wampaye mbere, rimwe wambwiye mbere, ongera umbwire ko arijye ukunda, ongera umbwire ko arijye ushaka, ongera umbwire ko arijye, vuga, nigishyika ndeke guhangayika.” Tumubajije ibyo ateganya mu minsi iri imbere yavuze ko arimo gutegurira abakunzi be igitaramo kizaba kiryoshye bidasubirwaho ndetse ngo imyiteguro ayigeze kure ku buryo mu mpera z’ ukwa Kane cyangwa mu ntangiriro z’ ukwa gatatu azataramira abantu kakahava. Umuhanzi Faysal Ngeruka ari kuririrmbira abakunzi be Umuhanzi Faycal yashimiye kandi abantu bose bamufashije kugirango izi ndirimbo ze zitunganywe barimo Producer Clément, Arnaud, Yvette, Eric Mucyo, umufasha we Gisèle, Select Hotel n’ abandi bose bamubaye hafi. Faycal kandi, nk’ umuntu umaze iminsi muri muzika nyarwanda ngo ntashobora gusoza ikiganiro icyo aricyo cyose atagize icyo abwira abahanzi n’ abakunzi b’ umuziki nyarwanda, niyo mpamvu yagize ati: “Ibanga ry’ umuziki ni ukuririmba ibintu binogeye amatwi kandi bikora ku mutima, ndumva nakongera gusaba abahanzi bose kuririmba indirimbo z’ umwimerere bakareka kujya bakoporora ibihangano by’ abandi.” Foto: Ruzindana RUGASA

Ndi muri Studio kwa Junior ariko ndarara i Butare-Rozy

Ndi muri Studio kwa Junior ariko ndarara i Butare-Rozy

posted on Jan , 24 2011 at 18H 32min 00 sec viewed 9478 times



Umwaka w’ amashuri 2011 umaze iminsi utangiye abanyeshuri bamaze gusubira ku mashuri bigamo. Aka wa mugani ngo akana iwabo akandi iwabo. Abo muri Kaminuza Nkuru y’ U Rwanda babarizwa mu Mujyi wa Kigali nabo abenshi bamaze kwerekeza mu Ntara ya Butare.

Bamwe ariko ntibaragera aho bagomba kwigira, aha twatanga urugero rw’ umuhanzi Rozy.

Mu kiganiro yagiranye na Igihe. Com, ubwo yamusangaga muri Studio Line-up Kwa Producer Junior, Rozy aravuga ko n’ ubwo ari gukora indirimbo hano I Kigali, agomba kurara mu Ntara ya Butare. Aha akaba aza kuba asubiye mu masomo ku ishuri.

Dore ikiganiro kigufi twagiranye ubwo twamusangaga muri Studio ku mugoroba w’ uyu wa Mbere:

image
Umuhanzi Rozy

Igihe.com: Amahoro, Amahoro Rozy.

Rozy: Amahoro Richard, muraho murakomeye!

Igihe.com: Turaho, ko uri muri Studio kwa Kibonge Junior amakuru ni meza?

Rozy: Ni meza cyane. Ndimo ndakora indirimbo nshya, ubundi ngahita ntaha I Butare kandi ndarara ngezeyo kuko ngomba kurarayo.

Igihe.com: Ehh!

Rozy: Nibyo.

Igihe.com: Ariko ko wari umaze iminsi utagaragara cyane Rozy kandi ufite ijwi ryiza abantu bakunda, buriya ntuzaryamisha abakunzi bawe?

Rozy: Ni izo gahunda z’ umuziki nakubwiye. Ubu hari ubwo Junior yagira atya akantinza ugasanga bisabye gutaha ntarangije, kandi iyo umuntu ageze mu masomo urabizi ko bihinduka ibindi bindi.

Igihe.com: Hanyuma se I Rwamagana ho byari bimeze bite? Ubu ugiye I Butare uhakumbuye?

Rozy: Rwamagana hari haraho, ariko nakundaga no kunyaruka nkaza I Kigali. Naho I Butare ho n’ ubwo ngiyeyo sinari mpakumbuye peeeeeee! Gusa nkumbuye abaho. Najyaga nkumbura ibitaramo byaho muri iki gihe cy’ ibiruhuko.

Igihe.com: Ok, sawa noneho ugiye kubabona. Kandi Amasomo meza Rozy, indirimbo nuyirangiza uze kuyiduha kuko nsigaye mbona Junior akora indirimbo amasaha make!

Rozy: Nankundira akayirangiza nta kimbuza kuyibaha, kandi namwe murakoze.

Richard IRAKOZE

Umuhanzi Naason yazanye umukobwa mushya mu mashusho y’indirimbo ye Inkuru Ibabaje posted on Jan , 28 2011 at 14H 21min 43 sec viewed 1268 times

Umuhanzi Naason aravuga ko kubera ko abantu banenze umukobwa yashyize muri clip video ye bavuga ko ashaje kuri we ngo yagerageje kubikosora. Ibi bikaba byaramuteye gushaka umukobwa ugifite itoto azashyira muri clip video y’indirimbo 'Inkuru Ibabaje'.

Uyu musore wakundiwe cyane indirimbo yise ‘Amatsiko’, kuba umukobwa yashyize muri iyi clip abantu baravuze ko akecuye nk’uko imvugo y’ubu ibivuga, byatumye tumubaza icyo ubusanzwe akurikiza ngo umukobwa abe yamushyira mu mashusho y’indirimbo ze. Naason adategwa ati " Ubundi mbanza kureba umukobwa uzi ku actinga(ni ukuvuga uzi gukina no kujyanisha amagambo n’ibikorwa bye)."

Akaba anongeraho ko umukobwa aba yumva yakoresha mu mashusho atagombye kuba amusumba. Bityo ngo iyo atamusumba bimutera kumva bakorana mu ndirimbo nta kibazo kigaragara mu mashusho. Abantu benshi bakaba bakunda akenshi kwibanda ku bakobwa baba bashyizwe mu mashusho. Ni imwe mu mpamvu n’abahanzi bita cyane ku gutoranya amashusho n’amasura y’abakobwa bakeye kugira ngo indirimbo zabo zikundwe kandi abazireba babe bakwishimira uburyo uwahisemo umukobwa ugaragara mu mashusho ari meza.

Ni kuri iypo mpamvu uyu musore Naason avuga ko kuri we yahisemo kujya yitondera amashusho aha abakunzi be. Iyi clip ateganya gushyira ahagaragara mu minsi ya vuba akaba azayikorera kwa Producer Faisal usanzwe umukorera.

Kigali: Polisi y'Amerika yashyikirije iy’ U Rwanda Mudahinyuka ukekwaho ibyaha bya Jenoside

Kuri uyu wa Gtatanu tariki 28 Muatrama 2011, ku isaha ya mbili za mu gitondo, nibwo indege ya Leta Zunze Ubumwe za Amerika yari isesekaye ku Kibuga cy’ indege mpuzamahanga cya Kanombe izanye Mudahinyuka Jean-Marie Vianny uzwi cyane ku izina rya Zouzou, ucyekwaho kuba yaragize uruhare muri Jenoside yakorewe Abatutsi muri Mata 1994. Ibi byakozwe hakurikijwe amasezerano yo guhanahana abakoze ibyaha agenga Polisi Mpuzamahanga (Interpol) U Rwanda rufitanye n’ iki gihugu cya Leta Zunze Ubumwe za Amerika. Chief Supt. Tony Kuramba, ushinzwe Interpol muri Polisi y'u Rwanda Umushinjacyaha Mukuru Martin Ngonga, ubwo yaganiraga n’ abanyamakuru yavuze ko kuba Igihugu nk’ iki cya Leta Zunze Ubumwe za Amerika cyemera gukurikirana dosiye cyashikirijwe n’ U Rwanda ari ibintu byiza kandi bitanga n’ icyizere ko n’ izindi bashyikirijwe nazo zizakurikiranwa. Martin Ngoga yagize ati: “ Uyu ni uwa kabiri woherejwe nyuma ya Kagaba; ni byiza cyane ko babyumva bakohereza abantu nk’aba, bituma n’ ibindi bihugu bidakomeza kugira urwicyekwe rw’ uko umuntu yakoherezwa kuburanira mu Rwanda.” Umushinjacyaha Mukuru Ngoga Ngoga kandi yakomeje avuga ko hari n’ abandi benshi bari muri Leta Zunze Ubumwe za Amerika U Rwanda rwasabye ko bakoherezwa mu Rwanda kubera ibyaha bitandukanye bacyekwaho muri bo harimo n’ abaherutse gucibwa urubanza n’ Urukiko rukuru rwa Gisirikare aribo Gérard Gahima n'umuvandimwe we Théogène Rudasingwa. Abajijwe ku mpamvu Leta Zunze Ubumwe za Amerika zigaragaza ubushake bwo kohereza abakekwaho ibyaha mu Rwanda mu gihe ibihugu by’ U Burayi byo ubona ko bidashyiramo imbaraga, Martin Ngoga yasubije ko biterwa n’ imikorere y’ inzego z’ ubutabera bwa buri gihugu. Yavuze ko Leta Zunze Ubumwe za Amerika zo akenshi zihitamo kohereza abantu bacyekwaho ibyaha mu gihugu baba barabikoreyemo ariko ngo ibihugu by’ I Burayi byinshi bihitamo kubiburanishiriza. Mudahinyuka Jean-Marie Vianny (Zouzou) yavuye mu Rwanda mu 1994 aho yahise yerekaza mu bihugu bya Zambiya na Zimbazwe; yageze muri Leta Zunze Ubumwe za Amerika mu mwaka wa 2000, mu mwaka wa 2004 ni bwo inzego z’ Ubutabera z’ U Rwanda zatangiye kumusaba iza Amerika kubera ibyaha yari akurikiranweho. Mudahinyuka akigezwa ku cyicaro cya Polisi ku Kacyiru Nyuma y’ aho amanyeye ko ashakishwa, Mudahinyuka yahise ahindura amazina ye atangira kujya yiyita Thierry Rugamba. Kuva mu mwaka wa 2004 nibwo uyu Zouzou yafashwe arafungwa azira kuba yarabeshye amazina ye inzego zishinzwe abinjira n’ abasohoka muri Amerika ndetse no kuba yararumye urutoki umwe mu bapolisi ba Leta Zunze Ubumwe za Amerika rugahita runacika. Mudahinyuka Jean-Marie Vianney yavutse tariki ya Mbere Mutarama 1960, avukira mu Ntara y’ Amajyepfo mu cyahoze ari Komini Masango. Mu mwaka wa 1994 yari atuye mu Murenge wa Nyakabanda mu Mujyi wa Kigali aho bivugwa ko yanagize uruhare mu kwicira abantu muri Stade ya Nyamirambo. Yafatiwe muri mujyi wa Chicago wo muri Leta ya Illinois mu mwaka wa 2004, yagejejwe mu Rwanda kuri uyu wa Gatanu ku isaha ya saa mbili za mu gitondo aho yari avuye muri gereza ya Miami yo muri Leta ya Floride, bikaba biteganyijwe ko agiye guhita ajyanwa muri gereza kuko n’ ubundi urukiko Gacaca rwa Nyakabanya mu rubanza rwari rwaburanishije adahari rwamukatiye imyaka 19. Umushinjacyaha Mukuru Ngoga akaba yavuze ko Ubushinjacyaha bukuru bwiteguye kumufasha ku buryo niba ashaka kujurira yabikora kuko ngo itegeko ryemera ko umuntu waciriwe urubanza adahari, igihe cyose abonekeye ashobora kuba yakongera akajuririra icyemezo cyafashwe n’ urukiko rwaburanishije urubanza rwe. Foto: Rugasa ( igihe.com)

Sinzi neza igihe nzabyarira ariko ntabwo bizatinda, ni vuba kuko ndakuriwe – Umuhanzi Paccy

Sinzi neza igihe nzabyarira ariko ntabwo bizatinda, ni vuba kuko ndakuriwe – Umuhanzi Paccy

 

 

Sinzi neza igihe nzabyarira ariko ntabwo bizatinda, ni vuba kuko ndakuriwe – Umuhanzi Paccy

posted on Jan , 23 2011 at 13H 46min 49 sec viewed 23435 times



Hashize amezi arenga umunani bihwihwiswa ko umuhanzi Paccy umenyerewe mu njyana ya Hip Hop nyarwanda yaba atwite ariko nyir’ubwite ntagisubizo gifatika atanga. Ubu noneho aremera ko atwite inda nkuru kandi ko vuba aha ari hafi yo kubyara.

Intandaro y’ibyo bihuha byose byaje no kuvamo ukuri byatangiye ubwo Lick Lick, Producer ukunze gukorana n’uyu muhanzi, yamukoreraga indirimbo nyinshi zitandukanye bigaragara ko amwitaho bihagije. Kera kabaye Paccy yaje gusa n’aho amuvaho gato, ubwo Lick Lick yari atangiye gukorana n’umuhanzi wo mu njyana ya R’n’B witwa Knowless.

Paccy hambere ataratwita

Ibi byababaje Paccy kugeza n’aho byaje guhwihwiswa ko Lick Lick yaba ashaka ubushuti bwihariye kuri Knowless, bituma Paccy ajya kure y’uwo mu producer wakomeje kenshi kujya avugwaho ubushuti budasanzwe na n’uwo muririmbyikanzi wo mu njyana ya R’n’B.

Hadaciye kabiri Knowless na Lick Lick baje kunaniranwa. Aha Lick Lick yaje gutangaza ko impamvu yatumye bananirana ari umuhungu w’inshuti ye wabiteye ariwe “Safi” wo mu itsinda rya muzika “Urban Boys”.

Ku rundi ruhande naho byavugwaga ko Lick Lick yashakaga ubushuti kuri Knowless ariko Knowless yikundanira na Safi ariko batabyerura. Lick Lick na Knowless baje rero gushwana havugwa n’amagambo menshi ko byaba byaratewe na Paccy.

Nyuma ya Knowless, Lick Lick yaje kwishumbusha indi nkumi nayo iririmba mu njyana ya R’n’B yitwa “Lizz”, ndetse uyu yaje no kugaragara muri “Tusker Project Fame Season 4 ariko agarukira Nairobi atabashije kwigaragaza.

Nyuma ya Knowless,
Lick Lick yishumbushe
Lizz uri kuri iyi foto

Lick yaje kumufasha nawe amukorera indirimbo zitandukanye ariko amagenda ye ntiyaje kumunyekana.

Hadaciye kabiri ubwo umuhanzi Pacson yasubiragamo indirimbo ye yitwa ”Imvune” agashaka gushyiramo abahanzi bose, yaje no gushyiramo Pacc, uyu amaze kuyiririmbamo, Lick Lick amajwi ye aza kuyasiba kuburyo byaje no guteza ikibazo kugera aho Pacson yaje gutwara micro ya Studio akoreramo yitwa “Unlimited Records”, aha byahise bigaragarira buri wese ko bafitanye ikibazo gikomeye, dore ko byanavugwaga ko Lick Lick yaba yarateye Paccy inda.

Muri iyi minsi inkuru yavugwaga n’uko hagati ya Lick Lick na Paccy umubano wari wose, dore ko uwo mu producer yahise anamwihamagarira, amushyira nanone muri remix ya gatatu y’indirimbo “Imvune”, iyi ikaba ifite umwihariko w’uko icurangishijwe gitari gusa.

Umuhanzikazi Knowless
uvugwaho kuba yarigeze
guteza impagarara hagati
ya Paccy na Lick Lick

Ibyo ariko Lick Lick yarabihakanye avuga ko Chelsea imaze imikino igera kuri irindwi idatsinda ati “nitsinda rimwe ntabwo bizaba bivuze ko yagaruye intege, tubanye mu buryo bwa Business”.

Hari amakuru yizewe dufite atubwira ko iyo Lick Lick yabaga ari nk’ahantu, wajyaga kumva Paccy agize atya aramuhamagaye bakaganira ibintu wumva byihariye.

Nyuma yuko umubano ugarutse nk’uko bigaragara mu bitangazamakuru bitandukanye, Paccy yahise yemera ko atwite kandi akuriwe. Uyu muhanzi n’ubwo yemeyera ko atwite ariko, ntarabasha kuvuga Papa w’umwan, ahubwo atangaza ko we ntacyo bimutwaye kuba agiye kwitwa Mama, yemeza ko ari ishema kuri we kuko yaguye umuryango.

Producer Lick Lick kugeza ubu nawe aravuga ko inda atari iye nta naho ahuriye nayo.

Kubijyanye na Muzika ya Paccy, avuga ko ubu ariko kanya ko kuba yakora muzika, dore ko amaze gushyira ahagaragara indirimbo ye ya mbere muri uyu mwaka yitwa ”Icyabuze”, ari kumwe na Mani Martin ndetse na Riderman, nyuma y’uko yaramaze amezi agera ku munani adasohora igihangano na kimwe.


Producer Lick Lick

Laddy Gaga agiye gukora parufe ihumura nk’intanga ngabo zivanzemo amaraso!

Umuhanzi Laddy Gaga akunze kuvugwaho utuntu twinshi dutunguiranye kandi dutangaje cyanwe. Akjenshi akunda kubigaragariza mu myambaro yambara n’ibikorwa akunda gukorera kuri stage imbere y’abafana be. Kuri ubu yahisemo no kubigaragariza mu bikorwa kuko agiye gushyira ahagaragara parufe ikozwe ku buryoo ihumura amaraso n’intanga ngabo bivanze.

Abenshi bakunda gufata uyu mukobwa (wabaye umubikira) nk’umusazi kubw’imyambarire ye. Ibikorwa bye nabyo benshi bakaba bajya babona ko bitangaje cyane dore ko iteka aba ashaka agashya. Nko kuri iyi parufe aravuga ko yayitekerejeho yifuza kugaragaza itandukaniro n’abandi bakoraga amaparufe agerageaz kuvanga impumuro y’intanga ngabo n’amaraso.

Gusa ngo iyi parufe ntizapfa kuboneka ahantu hose kandi n’ahgo izaboneka izaba ikosha kubw’ibintu izaba ikozwemo kugira ngo ibashe kubona iyi mpumuro Laddy Gaga yifuje. Iyi parufe akaba yari yarifuje kuyiririra izina ryue ariko nyuma aza gusanga byaba byiza ayise Monster. Iri rikaba ari ryo zina iyi parufe izasohoka mu mwaka utaha w’I 2012.

Abantu batandukanye nyuma yo kumva iyi nkuru y’uko Laddy Gaga ashaka guha impumuro y’intasnga zivanze n’amaraso parufe ye nshya, ntibahwema kubasza uburyo uyu mukobwa azabasha kubigeraho n’uburyo iyi parufe y’akataraboneka izaba imeze.

Tubibutse ko Laddy Gaga amazina ye asanzwe yitwa  Stefani Joanne Angelina Germanotta akaba yaravukiye  mu mugi wa New York kuya 28, mu mwaka w’i 1986. Ni ukuvuga ko afite imyaka 24. Akaba avuka ari umwana wa mbere abyarwa na Joseph Germanotta naho nyina akaba yitwa . Cynthia. Akaba amaze igihe igihe kini ahabwa ibihembo bitandukanye byiganjemo ibya MTV Awards.

Richard IRAKOZE

Impamvu mvuga amazina y’abantu mu ndirimbo ni uko mfite abajama benshi- Dr Claude

Umuhanzi Dr Claude aravuga ko impamvu mu ndirimbo ze hakunda kugaragaramo amazina y’abantu batandukanye ari uko afite abakunzi benshi cyane ku buryo yumva nta kundi yajya abasuhuza keretse kubavuga gahoro gahoro mu ndirimbo ze. Ibi akaba abivuga mu gihe abantu bo bakunze kumva mu ndirimbo ze hatajya haburamo amazina atandukanye y’abantu. Akaba avuga benshi mu bakunzi be kuri we yita “abajama”. Mu ndirimbo ze hakunze kumvikana amazina nka Sister Cynthia, Akimana, Nziza Désiré (murumuna we), Restaurant Chez Robert, Grand Ndengeye, Muzehe Ramazani, Richman, Kiki Bea, Grand la Confiance, Jean de Dieu, n’abandi batandukanye. Mu kiganiro yagiranye na Igihe.com, Dr Claude avuga ko kuri we abantu benshi baziranye cyane ku buryo mu kubereka ko abishimiye yahisemo kujya avuga amazina yabo mu ndirimbo ze. Ibi ariko abenshi bakaba bajyaga bakekaga ko mu ndirimbo ze aba avuga abaterankunga bamufashije mu gukora indirimbo ze abamamaza. Mu bisobanura atanga akaba avuga ko ntaho bihuriye no kwamamaza abantu kuko mubo aba avuga akenshi baba ari n’abantu batagize n’aho bahuriye n’umuziki gusa ari inshuti ze za hafi. Aha akaba avuga yewe ko anaziranye n’abana bo ku mihanda benshi n’abandi bantu baba basanzwe cyane ku buryo bibashimisha cyane iyo biyumvise mu ndirirmbo. Uyu muhanzi akaba anavuga ko ibintu by’ubuhanzi yabitangiye kera akiri umu Mc muri Club Maxime na Casablanca muri Hotel Méridien, ari nabwo yatangiraga kujya amenyana n’abantu benshi. Naho ibyo kuririmba nk’ umwuga akaba yarabitangiye mu marushanwa ya Free Style mu gihugu cy’u Burundi. Aha akaba yaratangiye ibintu by’amarushanwa mu gihe cy’ abahanzi nka nyakwigendera Jean Christophe Matata yari agezweho muri icyo gihugu. Kuva ubwo niho yagiye arushaho kumenyana n’abajama batandukanye, bakaba ari nabo akenshi banamutera inganzo. Urugero rukaba ari nko ku ndirimbo ye 'Baramujyanye', iri gucurangwa cyane ku maradio yo mu Rwanda, aho yayihimbye biturutse ku muntu w’inshuti ye wamunyuzeho amubwira ko umukunzi we bamujyanye... Guhorana morale n’ubucuti n’abantu benshi bya Dr Claude (The Original), byanamugejeje ku mubano n’umwari w’umubiligi bigeza ubwo amwereka umuryango none kuri ubu bafitanye abana. Uyu mufasha we akaba ari mu Rwanda aho bari kwita by’umwihariko ku mwana wabo muto w’amezi atatu. Richard IRAKOZE

Umuhanzi The Ben yanditse indirimbo nshya ‘yise Mumparire’!

Umuhanzi The Ben yanditse indirimbo nshya ‘yise Mumparire’! posted on Jan , 27 2011 at 06H 51min 20 sec viewed 7076 times Umuhanzi The Ben amaze igihe yanditse indirimbo yitwa Mumparire iri guca ibintu ku maradiyo hano mu Rwanda. Iyi ndirimbo ikaba yararirimbwe n’umuhanzi Jack-B, akaba ari nawe wabitwibwiriye. Uyu muhanzi akaba yaratangarije IGIHE.com ko kuba The Ben yaramwandikiye iyi ndirimbo ari ukubera ko abantu benshi bajyaga bakeka ko The Ben atajya akunda kwiyandikira indirimbo, bityo iyi ndirimbo ikaba ari imwe muzo yiyandikiye. Gusa nk’uko Jack-B yabitubwiye ngo ntiyabashije kuyiririmbira ahubwo yahise ayimuha ngo abe ari we uyiririmba. Jack-B akaba yaranatumbwiye ko we ajya abasha kuvugana n’uyu muhanzi bakaganira ibintu bitari bike ku buryo n’ubu aklimushimira ku bitekerezo akya amuha mu buhanzi bwe. Uyu musore The Ben, n’ubusanzwe yari inshuti na Jack-B dore ko uyu yanamubyiniraga. Kuri ubu Jack-B akaba nawe yarahisemo gutangira kuririmba ku giti cye aho anaherutse gushyira ahagaragara album ye ya mbere mu Ntara y’Amajyaruguru. Iyi album akaba yarayise Ijoro Riguye, akaba anavuga ko ari hafi kuyimurikira abakunzi be mu Mujyi wa Kigali mu mezi make ari imbere. Tubibutse ko nyuma y’aho umuhanzi The Ben agiriye ikitaraganya muri Amerika ku itariki ya 07 Gashyantare 2010, abantu bakomeje kujya bamugarukaho mu nkuru zinyuranye z’imyidagaduro. Ibi bikaba bitari bitunguranye cyane kuko yari amaze kuba icyamamare hano mu Rwanda ndetse abantu benshi bamwiyumvamo. Abakobwa benshi bakaba ari bo baba abahamya b’ irungu The Ben yabateye. Gusa nk’uko umuhanzi Jack-B yabibwiye Igihe.com, The Ben aracyatekereza ku muziki nyarwanda nk’uko yabigaragaje yandika iyo ndirimbo . Richard IRAKOZE

Umuhanzi Kamichi yagiye gusura Knowless asanga yarimutse!

Muri iyi weekend umuhanzi Kamichi yarikoze ajya gusura umukobwa w’umuhanzi witwa Butera Jeanne uzwi nka Knowless asanga aheruka inzira mu cyi kuko aho yari azi ko atuye atari ho agituye kuri ubu. Gusa we, nk’uko amakuru abitubwira ntiyari yamenyeshejwe ko uyu muhanzi yimutse akava aho yari atuye.

Ubusanzwe uyu Butera yari atuye ahitwa I Nyamirambo hazwi cyane nko Kwa Mutwe hafi ya Studio F2K itunganya indirimbo. Aho yari atuye hakaba hazwi cyane ku izina rya ‘Califonia.’ Amwe mu makuru y’iri yimuka rya Knowless ava Kwa aho Califonia, avuga ko nyuma yo gusanga ahantu atuye hahora akajagari kenshi n’urujya n’uruza rw’abantu, uyu mukobwa, w’imyaka 20, yahisemo gufata icyemezo cyo kwimuka akajya ahandi hari umutekano kurusha aho yabaga. Mu gufata iki cyemezo ariko bigaragara ko atabimenyesheje abantu benshi, kubera ko uyu Kamichi yahageze agasanga yarimutse.

Kamichi nyuma yo gusanga Knowless yarimutse yagize ati:”Njyewe nagiye nyine nzi ko musanga yo kuko mu masaha ya nimugoroba akenshi akunda kuba ari mu rugo, ngezeyo barambwira ngo yarimutse nibaza ukuntu yimutse ntanabyumvanye abantu biranshobera!” Akaba yarahise ahindura gahunda kuko uwo yari yaje ashaka atamubonye kandi aho yimukiye atahise ahamenya.


Umuhanzi Knowless basuye bagasanga yariyimukiye!

Kubwe Butera yabwiye Igihe.com ko impamvu yatumye yimuka ari uko aho yari atuye hatamujyagamo kandi ko yumvaga atakihishimiye. Akaba yimukiye ahitwa kuri Avenue Paul 6 munsi ya KIST. Kuba yimukiye hafi y’aho yari atuye bizafasha abakunzi be kutamubura kuko hegeranye n’aho yari atuye mu Biryogo, agace kazwi kubamo abahanzi benshi. Abandi bakaba bagiye bavuga ko azaba ari n’impamvu zo kwegera amastudio ari kumukorera indirimbo muri iyi minsi.

Uyu muhanzi muri iyi minsi akaba aherutse gusohora indirimbo nshya n’umuhanzi Danny. Iyi ndirimbo bakaba barayikoreye kwa Producer Junior muri Line Up Studio mu Biryogo.

Richard IRAKOZE

Knowless niwe wenyine mbwira gufata ku mutima wanjye ngo yumve uko utera- Safi

Indirimbo Intego y’Abahanzi bagize itsinda Urban Boyz yumvikanamo amagambo aryoheye amatwi aririmbwa n’umuhanzi Safi. Aha Safi akaba aririmba agira ati: " Fata ku mutima wanjye wumve uko utera, kugukunda nabigize intego…"

Ibi byatumye tumubaza uburyo asaba abakobwa b’ iyi Kigali gufata ku mutima we bakumva uko utera, maze atubwira ko ayo magambo ayabwira umukunzi we Knowless wenyine nta wundi ashaka ko yivanga mu by’urukundo rwabo.

Tumubajije ku kijyanye n’uko wenda abakobwa nibamara kumva iyi ndirimbo batazaza ari benshi ku bw’uburyo yahogoje muri iyi ndirimbo ati : "Richa, abantu bose bamenye ukuri. Bamaze kumenya ko dukundana. Gusa ibyo ntibyambuza kuyitura abazumva ibanyuze kuko naririmbye amagambo umuntu wese yakwiyumvamo."


Safi ati " abakobwa bamenye ukuri..."

Aba basore ubusanzwe bizwi ko no mu mavideo y’indirimbo zabo batajya bajya kure bashaka abandi bakobwa ahubwo bakoresha abasanzwe ari inshuti zabo. Yewe na Knowless aherutse gukoresha muri clip ye 'Byarakomeye' umusore Safi uzwi nk'umukunzi we.

Mu guhura n’uyu muhanzi Safi akaba yahise ahera ko aduha iyi ndirimbo ‘Intego’, anatubwira ko ubu inkuru ajyanye i musozi ko ari uko umwana bari batwite bamwibarutse. Kandi ko icyo bari barifuje cyo kuririmba ku rwego rwo hejuru bagitangiranye n’ ’Intego’. Nibyo koko ni intego na Safi yiniguranye ijambo ry’urukundo ku mukunzi we.


Knowless (ibumoso wambaye fumées) Safi yatuye indirimbo

Muri iyi ndirimbo yabo nshya Intego hakaba humvikanamo amagambo y’ umuhanzi Rabadaba avuga ikinyarwanda ngo : "Sinzamureka kuko aruta bose." Naho Safi mu ijwi rye rihogoza akaba yumvikanamo cyane aririmba inyikirizo ati : "Fata ku mutima wanjye wumve uko utera, kugukunda nabigize intego kuko ubaruta bose. Urwo ngukunda ntirugira konje (congé)…"

Tubibutse ko aba basore bamaze iminsi babiciye mu ndirimbo Indahiro bakoranye na Riderman. Nabwo hari nyuma yo gukundwa cyane nyuma y’indirimbo Umwanzuro yari yaraciye ibintu hirya no hino mu Rwanda.

Richard IRAKOZE